Հայկական բնապահպանական ճակատ կամավորական նախաձեռնությունը չորս հարց էր ուղարկել բնապահպանության նախարար Ռոմանոս Պետրոսյանին Ամուլսարի խնդրի առնչությամբ։ Ներկայացնում ենք մեր ուղղած հարցերը, ստացված պատասխաններն ու մեր մեկնաբանությունները․
Պատասխան – Նախարարն ի պաշտոնե և մասնագիտությամբ որպես երկրաբան փուլ առ փուլ ուսումնասիրում է «ԷԼԱՐԴ»-«ԹիԱրՍի» ընկերությունների հաշվետվությունները, ինչպես նաև Քննչական կոմիտեում առկա Լիդիանի, «ԷԼԱՐԴ»-«ԹիԱրՍի» խմբի և քննչական խմբի գրագրությունները և պարբերաբար իր հրապարակային ելույթներում անդրադառնում դրանց՝ ներկայացնելով նախարարության դիրքորոշումը։
Մեկնաբանություն – Պատասխանից հասկանալի է դառնում, որ «ԷԼԱՐԴ»-«ԹիԱրՍի» խմբի և այլ փաստաթղթերը դեռևս ամբողջովին ուսումնասիրված չեն և կարծիք չկա դեռ դրանց մասին։ Հրապարակային ելույթներում էական, մասնագիտական որևէ բան չի ասվել դրանց մասին և դրանց հղում տալը՝ մեղմ ասած, այնքան էլ կոռեկտ չէ։
Պատասխան – Այս կարևոր հարցը մնացել է առանց պատասխան՝ ինչը սպասելի էր։
Պատասխան – Այս հարցը նույնպես մնացել է անպատասխան։ Ենթադրվում է, որ մեր նշած հաշվետվությունները չեն ուսումնասիրվել։
Պատասխան – Նախարարին կից հասարակական խորհրդի նիստի ժամանակ առաջարկվել է վերոնշյալ հաշվետվությունների և այլ ուսումնասիրությունների բովանդակային վերլուծության նպատակով նախաձեռնել անկախ մասնագիտական բաց քննարկում զանգվածային լրատվության միջոցների մասնակցությամբ։ «ԷԼԱՐԴ»-«ԹիԱրՍի» ընկերությունների հաշվետվությունների ամբողջական ուսումնասիրությունից հետո, ըստ անհրաժեշտության, նախարարության լիազորությունների շրջանակում կանցկացվի մասնագիտական քննարկում, այնուհետև՝ արդյունքների վերաբերյալ շահագրգիռ հասրակական կազմակերպությունների հետ կիրականացվի բաց քննարկում։
Մեկնաբանություն – Պատասխանից պարզ է դառնում, որ 2017-2018թթ կարևորագույն հետազոտություններն անտեսելու, դրանք քննարկման առարկա չդարձնելու միտում կա և խոսվում է միայն «ԷԼԱՐԴ»-«ԹիԱրՍի» ընկերությունների հաշվետվությունների շուրջ քննարկումներ կազմակերպելու մասին՝ այն էլ միայն ինչ-որ շահագրգիռ հասարակական կազմակերպությունների հետ։ Մեր կարծիքով պետք է վերլուծվեն և քննարկվեն մինչ այժմ արված բոլոր գիտական և մասնագիտական ուսումնասիրությունները, և ոչ միայն ՀԿ-երի, այլ նաև Ջերմուկ համայնքի իրազեկ բնակիչների, անաչառ մասնագետների, գիտնականների ու փորձագետների հետ։
Հ․Գ․ Իսկ անպատասխան մնացած հարցերը ստիպված ենք նորից ուղղել նախարարին՝ ակնկալելով, որ այս անգամ կլինեն նաև դրանց պատասխանները։
Հայկական բնապահպանական ճակատ կամավորական քաղաքացիական նախաձեռնություն
Էլ․ փոստ՝ armecofront@gmail.com
Աջակցել
